Në vitin 1934, në një qytet të vogël, një histori e veçantë filloi të shkruhej. Familja e respektuar Zeneli nisi punën e tyre me drurin, duke themeluar një punëtori të vogël, thënë ndryshe filloi punën z. Shaban Zeneli me një mini fabrikë, e cila do të bëhej një sinonim i cilësisë dhe traditës për përpunimin dhe mirëmbajtjen e drurit.

1945

U bë e njohur me emrin fabrika "Pinter" dhe u dallua dhe specializua në prodhimin e barelave, pastaj edhe dyerve dhe dritareve. Një veprimtari e tillë vazhdoi me dhjetra vite dhe arriti që me shërbimin cilësor ta ruaj dhe forcojë ekzistencën e saj. Tregohet se barelat ose fuqit apo siç njihet në zhargonin popullor KACAT E RASOIT, e mjeshtrit të “Pinterit” ishin më të kërkuarat në tregë, sa që nuk shitej asnjë barelë ose kacë-fuqi e mjeshtërve tjerë derisa shiteshin të gjitha barelat e “Pinterit.

1964

Me kalimin e kohës, pikërisht në vitin 1964, i biri i themeluesit të fabrikës “Pinter” z. Sadik Zeneli, mori drejtimin e këtij biznesi familjar të Familjes Zeneli. Filloi një kapitull i ri për "Pinter". U zgjerua gama e tyre në llojet e produkteve nga druri. Tani “Pinter” kishte filluar prodhimin e hamarëve dhe dyerve të oborrit, në këtë mënyrë u thellua edhe më shumë lidhja e kësaj mini fabrike me fushën e përpunimit dhe përdorimit të drurit dhe me rritjen e përvojës së tyre në këtë drejtim.

1998-1999

Lufta e fundit në Kosovë 1998-1999 shkaktoi dëme në tërë hapsirën e këtij vendi. Fabrika “PINTER” kishte pësuar e tëra, ishin djegur dhe asgjësuar të gjitha mjetet për përpunimin e drurit.

2000

Viti 2000 ishte viti i kthesës së re historike i traditës së Familjes Zeneli. Në këtë vit u morr një vendim i guximshëm i vizionarëve të rinj. Ishte i biri i vetëm i z. Sadikut, z. Sabri Zeneli, i cili vendosi ta zgjerojë veprimtarinë dhe ta thellojë edhe më shumë dashurinë me druririn dhe përpunimin e tij. Ky vendim çoi në një transformim të madh. Fabrika u rindërtua, u pajis me mjete të kohës dhe ndryshoi emërtimin nga ai “PINTER” në "LIDHJA PARKET”, duke qenë ky fillimi i një epoke të re në prodhimin e parketit.

2024

Modernizimi edhe më i madh dhe pajisja me teknologji të kohës vazhdoi dhe vazhdon edhe sot e kësaj dite. Sot, " Lidhja Parquet " është një lider në tregun e parketit në vend dhe më gjerë, duke ofruar parketin më të mirë të cilësisë nga druri i bungut, dhe vazhdon të mbetet një simbol i cilësisë, inovacionit dhe traditës së lashtë të punës dhe përpunimit të drurit.